Resumen de Osíxeno para a pel mancada da Limia
O proxecto O Patrimonio Asolagado foi concibido para abordar, desde unha perspectiva integrada e interdisciplinar, a desfeita medioambiental e cultural que provocou o desecamento da lagoa de Antela. A partir deste eixe temático, deseñáronse diferentes estratexias de intervención no ámbito das ciencias e das humanidades co obxectivo de favorecer a aprendizaxe activa e cooperativa. O traballo de campo acometido polo alumnado converteuse nunha ferramenta eficaz de sensibilización e serviu para dignificar o patrimonio natural e cultural da contorna.
