Resumen de Ti en min, eu en ti: Museos con todxs

Encarnación Lago González, Carolina Casal Chico

• Baixo o título “Ti en min, eu en ti. Museos con todxs” preséntase as bases teóricas e metodolóxicas dun proxecto que pretende derrubar barreiras e promover a inclusión e a accesibilidade das persoas con Trastornos no Espectro Autista aos Museos e, con eles, ao Patrimonio Cultural. Xurdido do diálogo co movemento asociativo e deseñado para a Rede Museística Provincial de Lugo, empregando os recursos de lectura fácil e os SAAC, o obradoiro tenta achegar o patrimonio á sociedade, humanizar os museos, encher de afectividade o inanimado e compoñer, a partir dos múltiples micro-relatos, un meta-relato colectivo, inclusivo e accesíbel. O que sigue nestas páxinas poderá ser extrapolado a calquera outra institución ou peza do Patrimonio Cultural, supoñendo unha ferramenta práctica de cara á accesibilidade universal.