Resumen de Célestin Freinet.
Publizitate kanpaina ororen ametsa izaten da jendeak produktu bat izendatzerakoan daraman markaren izena erabil dezan lortzea. Markak erabilera generikoa izan dezala, alegia. Horixe lortu da hainbat produkturekin: kleenexak daramatzagu autoan, minipimerra erabiltzen dugu edo bimboak jaten ditugu. Lexiko hau erabiltzeak, ordea, ez du esan nahi hitzaren jatorria ezagutzen denik, hiztunen ondare linguistikora pasa dela baizik. Era berean, hezkuntza munduan Freineten teknika ugari (testu librea, eskolako egunkaria, gelako asanblada, lanerako planak, eskolarteko posta trukea eta abar luzea) egunero erabiltzen dira eskoletan benetako jatorria ezagutzen ez delarik.
