Oreretako Zamalbide lanbide eskola datorren ikasturtean itxiko da. Donostiako Martutene lanbide eskola, berriz, aurten itxi da. Elkarrengandik hurbil dauden bi eskola itxita, eta biak D eredukoak. Zer gertatzen da? Galdera horri erantzun asmoz abiatu gara Zamalbidera eta erabaki hori bultza duen arrazoia garbia dela ohartu gara: ikasle falta. Baina, hori zergatik gertatzen ari da? Zergatik joan da ikasle kopurua jaisten? Hor, motibo ugari azaleratu dira.
Oro har, lanbide eskolen eta Lanbide Heziketaren beraren egoera ez da berdina eskualde batean zein bestean. Euskarazko ereduaren aldeko apustua egin duten batzuek ongi funtzionatzen dute, eta beste batzuek zailtasun gehiago dituzte. Ikasle kopuruaren jaitsierak ez die berdin eragiten batzuei zein besteei. Edonola ere, hainbat joera errepikatu egiten dira eta horrek kezka sortzen du batzuengan.
© 2001-2024 Fundación Dialnet · Todos los derechos reservados