Resumen de Saharako ikasleak Zornotzan: hizkuntzen oasia.
Euskadiko familiatan bizi diren 29 ikasle saharar elkartu ziren Zornotzako aterpetxean, asteburu pasa. Haur horiek Argeliako Tinduff kanpamendutik etorriak dira Euskal Herrira, ebakuntza baten premiak edota ikasketak burutu beharrak ekarrita. Denbora daramate hemengo familiatan bizitzen, baina herri desberdinetan daudenez ez dute elkar ezagutzen, eta euren hizkuntzan mintzatzeko aukerarik ere ez dute. Zornotzako egonaldiak aberkideak ezagutzeko eta hassanierari zein euskarari lekua egiteko balio izan du. Ekimena EHIGE guraso elkarteak antolatu du, Saharako eskolen aldeko kanpainaren barruan.
