Resumen de Inaxitoren ametsak: bertso antzerkia.
Bertso antzerkiaren formula erreakzio kimiko hau sortu nahian asmatu dute: 6 urtetik 12ra bitarteko haurrari belarri ertzean bertso bat jartzea eta gozatzea, hitza jolas dibertigarri gisa kateatzea. Ekainetik hona eskaini dituzten emanaldietan zientifikoki frogatu dute umorearen ukendu eraginkorra dela bertso antzerkia. Bertsoa oso dosi txikian du, hitzezko elkarrizketak dira nagusi.
Agertokian hiru bertsolarik hamaika pertsonaiaren larruanjarduten dute: Xabier Sukia, Ibai Esoain eta Gorka Toloxa dira bertsolari-antzezleak. Ordubetean munduan barrena bidaiatzera eramaten dute ikuslea.
