Resumen de Ikasle gor baten esperientzia testuinguru euskaldun batean: Zalantzak eta aurrerabideak.
Ondoren datozen azalpen hauek gorreria duen ikasle baten inguruko esku-hartzean oinarrituta daude. Izan ere, zeinu hizkuntzaz gain euskara ikasi behar izana askotan oztopotzat hartu izan da, ikasle horiek etxeko hizkuntza gaztelania dutenean. Hala ere, eskolaren testuinguruan euskara nagusi denean, gainerako ikasleekin komunikatzeko euskararen irakaskuntza eta transmisioa ezinbesteko bihurtzen da. Horrela, hiru dira ikasle horrek ikasi behar dituen hizkuntzak.
Hona hemen gure esperientzia, gure zalantzak, horiei emandako erantzunak eta hausnartutako aurrerabideak, guk egindako ibilbideaz baliatu nahi duen edonorentzat.
