Resumen de Ikaskuntza emozionala eta soziala: eskolan lekua aurkitu nahian.
Roger P. Weissberg Psikologia eta Hezkuntzako irakaslea da Illinoisko Unibertsitatean, Chicagon (AEB). Ikaskuntza Sozioemozionalari buruzko Elkarte Akademikoko (CASEL) presidentea ere bada. Elkarte horrek ebidentzian oinarritutako ikaskuntza soziala, emozionala eta akademikoa eskolaurretik unibertsitatera arteko hezkuntzaren zati garrantzitsu bilakatzeko konpromisoa du. Euskal Herriko Unibertsitateak eta Gipuzkoako Foru Aldundiko Berrikuntzarako eta Jakintzaren Gizarterako Departamentuak (duela hiru urte, etengabeko ikaskuntzaren alorrean jakintza eta adimen emozionalaren gaineko jarduera abian jarri zuenak) Donostian antolatutako “Bizitza osoko ikaskuntza emozionala eta soziala” izeneko jardunaldietan parte hartu zuen Weissbergek, eta han esandakoaren laburpena ekarri dugu orriotara. Ikaskuntza emozionala eta soziala bultzatzeko lan gogorra egin behar dela dio Weissbergek, baina, politikarien babesarekin, errazagoa dela ikasleak etorkizunerako positiboa izango den era batean heztea.
