Euskal hezkuntzak erronka mordoa du etorkizunera begira, baina horien artean, irakasleen prestakuntza da garrantzitsuenetako bat; irakasleei konpetentzien gaineko prestakuntza eskaintzea. Beharrezkoa da, irakasle ikasketak egiten ari direnak, konpetentzietan heztea, irakasle izatearen garrantziaz jabetzea eta horrekin batera, Euskal Herrian irakasle izateak duen garrantziaz ohartzea. Oso interesgarria da, bide horretan, Mondragon Unibertsitateko Humanitate eta Hezkuntza Zientzien fakultatea (HUHEZI) garatzen ari den esperientzia. Ikasleen parte-hartze aktiboan oinarrituz, eta arazoak ebazteko metodologia jarraituz, ikaskuntza-irakaskuntza prozesua aldatu dute eta betiko moldeak irauli dituzte. Irakasleek eskola magistralak emateari utzi diote eta ikasleekin batera, errealitatearen azterketan murgildu dira, konpetentziak garatuz.
© 2001-2024 Fundación Dialnet · Todos los derechos reservados