Resumen de Jonan Fernandez: "Bizitza eta elkarbizitza jorratzeko erreminta kaxa bat eskaintzen dugu".

• Bizitzan ikasi duen guztia esperientziaren bidez ikasi duela dio Jonan Fernandezek. Liburuetan irakurritakotik ere jaso duela, baina ikaskuntza nagusiak esperientziaren bitartez bereganatu dituela. Nahiko autodidakta izan dela dio. 16 urterekin institutua utzi, motxila hartu eta hor abiatu zen. 20 urterekin itzuli egin zen berriro, egonkortu eta lanean hasi. Leitzarango autobidearen negoziazioetan ibili zen, gero Elkarrin eta, orain, Baketik-en.

  Baketik Arantzazuko Bake Zentroan dihardu eta beste hainbat egitekoren artean Pertsona izaten hezi, 8 ikaskuntza liburua idatzi du. Pertsona, gizakia, elkarbizitza, hezkuntza, heziketa… aipatzen ditu, besteak beste. Bizikidetza ulertzeko beste modu bat, beste ekarpen bat, hainbat ikastetxe praktikan jartzen ari direna, eta elkarrizketa honetan zehar azaltzen diguna.