Resumen de Euskal Herriko hezkuntzaren historiarako dokumentazio-gunea.
EHUko Hezkuntzaren Teoria eta Historia Sailak hezkuntzaren gaineko ikerketak egiten ditu. Sail horren bulegoetan, ikerketa horiek egiteko hamaika dokumentu, liburu, testigantza eta abar pilatu dira urte hauetan guztietan.
Dokumentazio hori Euskal Herriko hezkuntzaren historian interesa duen ororen esku jarri nahi zuen Hezkuntzarako Azterketa Historiko eta Konparatuetarako GARAIAN taldeak.
Gunea Donostian dago, Gipuzkoako Campusean ireki berri duten Carlos Santamaria Zentroan.
Ez da, ordea, hezkuntzarekin hertsiki lotuta dagoen ondare hori guztia jendarteratzeko eta ezagutarazteko GARAIAN taldeak abian jarri duen ekimen bakarra; espazio fisiko horretaz gain, beste espazio bat antolatu du sarean ere: Euskal Herriko Hezkuntzaren Historiarako Dokumentazio-Gunearen ataria, hain zuzen. www.ehu.es/euskal-hezkuntza/euskara/ Gunea bizirik dago, eta orain arte bildutakoak eskaintzen ditu. Berorren helburua, ordea, Euskal Herriko eskola-ondarea bildu eta zabaltzea da. Horretarako, orain arte dutena osatu nahi dute. Egitasmoan parte hartu nahi dutenekin harremanetan jartzeko tresna ere bada web-orria.
