Ondorengo esaldietako ildo nagusien artean haur lapurtuak, nazioarteko Zuzenbide pribatua, ama biologikoengandiko haurren banaketa edo lapurreta, adopzio irregularra, giza eskubideak, gizakien nazioarteko trata, haurren eskubideak, nortasunerako eskubidea, adingabearen babes juridikoa, adingabearen interes gorena, nazio barneko eta nazioarteko orden publikoa, baita pertsonak bere jatorri biologikoak ezagutzeko eskubidea ere aurki ditzakegu. Diziplinartekotasun ikuspegi batetik gure egungo historian azaleratu den eta garrantzi juridiko handia duen gertakari ilun hau aztertu nahi dugu. Gertaera hauek aztertu ostean, egun indarrean ditugun tresna juridikoak prebentziorako baita etorkizunean gerta litezkeen antzeko egoeren aurrean erantzun egoki bat emateko baliagarriak diren baloratuko dugu. Izan ere, ageri-agerian geratu da aurretik izandako nazio barneko eta nazioarteko tresna juridikoak prebentziorako, epaitzeko eta autoreak zigortzeko ez zirela nahikoak izan.
© 2001-2024 Fundación Dialnet · Todos los derechos reservados