Resumen de La epigrafía romana d’Asturies: una actualización
- asturianu
Nesti artículu inventaríense y coméntense les inscripciones romanes descubiertes en territoriu asturianu que nun se publicaron na obra Epigrafía romana de Asturias de Francisco Diego Santos, asoleyada en 1985. La mayoría d’elles atopáronse o diéronse a conocer dempués d’esa fecha equí y allá, en publicaciones diverses. Ye un conxuntu de doce inscripciones que pertenecen a distintes tipoloxíes epigráfiques: hai cuatro inscripciones votives, dos funeraries, delles sobro oxetos d’usu domésticu, una inscripción pintada ya inclusive un testu del ámbitu de la epigrafía xurídica, la tabula censualis, que ye absolutamente esceicional pola escasez d’inscripciones d’esti tipu. Tienen gran interés porque vienen añidir datos a otros conocíos enantes y amás ufierten otros nuevos, por exemplu nel ámbitu relixosu, como son dos nueves inscripciones pal catálogu de dedicatories a los llares viales, la primer inscripción dedicada a Tutela n’Asturies y la posibilidá d’un nuevu testimoniu d’una divinidá poco conocida, Dovitero. Tamién ufierten nuevos testimonios a la onomástica llatina del territoriu asturianu: Placidius, Assinius, Medugenus, Cesaron, Bodocena, Aravus y tolos nomes qu’apaecen nel llistáu de la tabula censualis. Conséñense nestos testos nuevos topónimos antiguos qu’ayuden a alcontrar los sos allugamientos y a entender meyor la etimoloxía de dellos topónimos actuales, asina castellum Agubri, [B]uroflavienses, Ocela, Elaniuum/Elanum. Per otra parte contribúin a afondar en cuestiones relatives a aspeutos sociales y d’organización política de los ástures, como la denominación xurídica de dellos llugares, asina nel casu del epígrafe castellum, y ufierten nomes de delles xentes que nun se conocíen anteriormente, como los cilúrnigos de Xixón.
- English
In this paper, the author lists and discusses the Roman inscriptions discovered in Asturias that were not included in the work Epigrafía romana de Asturias (Roman epigraphy of Asturias), published by Francisco Diego Santos in 1985. Most of them have been found or presented in various publications after that date. It is a group of twelve inscriptions of different epigraphic types: there are four votive inscriptions, two sepulchral ones, some instrumenta domestica, a painted inscription and a text with legal content, the tabula censualis, which is absolutely exceptional due to the scarcity of inscriptions of this type. They are of great interest because they supplement previous data and also offer new information, for example in the religious field, with two new inscriptions for the catalogue of dedications to the lares viales, the first inscription dedicated to Tutela in Asturias and the possibility of a new testimony of a little-known deity, Dovitero. These inscriptions also constitute new testimonies for Latin onomastics in the Asturian region: Placidius, Assinius, Medugenus, Cesaron, Bodocena, Aravus and all the proper names which appear in the list of the tabula censualis. Some new ancient places names appear in these texts that help find their location and better understand the etymology of some modern places names, for example castellum Agubri, [B]uroflavienses, Ocela, Elaniuum/Elanum. In addition, the texts allow for delving into issues related to social aspects and the political organization of the Astures, such as the legal name of some places, as in the case of the castellum epigraph; they also provide the names of some people who were not known before, such as the Cilurnigi from Xixón.
