Conectando culturas, facendo interculturalidade é un proxecto de desenvolvemento intercultural, con propostas educativas específicas para alumnado e profesorado, que ten como finalidade realizar accións formativas específicas co profesorado e persoal non docente en materia de interculturalidade, minorías étnicas e resolución de conflitos e a dotación de ferramentas prácticas e didácticas para fomentar a interculturalidade, favorecer entre o alumnado a aceptación da diversidade social mediante unha serie de actividades educativas e de sensibilización social que faga das nosas escolas espazos máis interculturais e inclusivos. O noso centro fixo ademais unha proposta de participación de toda a comunidade educativa, especialmente das familias do alumnado de minorías étnicas, na elaboración dos produtos finais: unha obra colectiva que consistiu na creación dun mosaico (Teselas pola igualdade) nunha das paredes exteriores do centro e na celebración da Festa das Culturas, unha xornada de convivencia aberta a toda a comunidade educativa.
© 2001-2024 Fundación Dialnet · Todos los derechos reservados