Desde a Psicoterapia Gestalt traballamos no “aquí e agora” do darse conta para establecer o contacto na Teoría do Campo (organismo-entorno). Falaremos do contacto e da súa definición na Teoría do Campo. Como se establece o contacto na Gestalt e cales son as Interrupcións do Contacto (confluencia, retroflexión, introxección, proxección, egotismo).
Estableceremos a diferenza entre o que é o contacto e o encontro, e as maneiras de chegar ao contacto a través do ciclo de contacto. Falaremos da curva e o ciclo do contacto. Poranse exemplos ilustrativos de cada unha das secuencias do contacto, así como tamén das posíbeis interrupcións de cada secuencia. Comentaremos brevemente cales son as interrupcións que nos impiden realizar o contacto e o porqué de cada un de nós estamos a fixarnos nunha ou dúas das interrupcións en función de como establecemos o contacto do organismo-entorno.
© 2001-2024 Fundación Dialnet · Todos los derechos reservados