A participación no Cine en Curso foi a culminación dun proxecto que pretende ser de descubrimento dun patrimonio material e inmaterial (recordos, vivencias, oficios...) que está a piques de desaparecer cos derradeiros habitantes das vilas que van quedando abandonadas na nosa comarca. O noso principal reto foi conseguir que o alumnado descubrise a través da linguaxe cinematográfica os valores patrimoniais, sociais, culturais, históricos e paisaxísticos da súa comarca, e sentise a inquedanza de facer algo para achegar o seu graíño de area á conservación destes valores que, á fin e ao cabo, forman parte da súa historia.
© 2001-2026 Fundación Dialnet · Todos los derechos reservados