Resumen de Todas e todos contamos
Hai máis de 10 cursos académicos, comezamos un proceso de cambio na nosa escola: converter a educación en valores, a convivencia e a inclusión na nosa filosofía e cultura de centro. Fomentamos valores como a igualdade, a solidariedade, o respecto e a responsabilidade, aprendendo con accións concretas de apoio e acompañamento. Desexamos que o noso alumnado considere a súa escola, e as persoas que forman parte dela, como algo importante na súa vida, favorecendo as relacións, a convivencia e a aprendizaxe.
