Resumen de Ambicións e posibilidades globais da nosa industria cultural: Reflexión sobre a internacionalización do libro galego
Efectúa un repaso da recente historia da industria cultural e editorial galega e dos seus esforzos por acadar vías de internacionalización para o libro en galego. Destaca como o proxecto editorial de Kalandraka, dende o seu nacemento en 1998, logrou ter repercusión dentro do Estado español así como en Portugal, malia as dificultades de distribución e de marketing, da escasa repercusión da industria cultural dentro do PIB galego, das dificultades de operar en mercados máis competitivos a nivel internacional e da falta de presenza desta industria noutros sectores económicos estratéxicos. Reclama un maior apoio institucional á internacionalización da industria editorial galega.
