Oier Aizpurua Olaizola, Asier Vallejo Ruiz, Maitane Olivares Zabalandicoechea, Patricia Navarro Villaverde, Nestor Etxebarria Loizate, Aresatz Usobiaga Epelde
In this study supercritical fluid extraction (SFE) has been successfully applied to a sequential fractionation of fatty acids and polyphenols from wine wastes. Unfortunately, polyphenols have a poor long-term stability, so they were encapsulated through vibration nozzle microencapsulation using two nozzles of 150 and 300 μm and sodium alginate and sodium-alginate-chitosan as polymer. Long-term stability of the created microcapsules was studied for 6 months taking into account different storage conditions: at 4 °C in darkness, and at room temperature in darkness and in presence of light. Encapsulated polyphenols were found to be much more stab le compared to free polyphenols regardless the encapsulation procedure and storage conditions.
Janari lasterraren eta industrialki prozesatutako janariaren aroan bizi gara. Era berean, jaki hauek ekarri duten galera nutrizionala konpentsatzeko gehigarrien beharra geroz eta handiagoa da. Gehigarri horien artean hauexek ditugu: omega 3 gisako gantz azido asegabeak eta eragin antioxidatzailea duten polifenolak. Ildo honetatik, ardo hondakinak konposatu bioaktibo askoren iturri garrantzitsuak izan daitezke, sortzen den hondakin kopurua oso handia izateaz gain, bertan aurki daiteken gantz azido asegabeen eta polifenolen kontzentrazioa oso altua baita. Lan honetan ardo hondakinen balioa handitu ahal izateko bi urrats garrantzitsu gauzatu dira: osagai bioaktiboen erauzketa, eta polifenolen kasuan erraz degradatu daitezkeenez haien kapsularatzea. Konposatu bioaktiboak erauzteko bi urratseko jariakin gainkritiko bidezko erauzketa (SFE Supercritical Fluid Extraction) optimizatu da,eta ondorioz, lehen urratsean gantz azidoak soilik eta bigarren urratsean polifenolak soilik erauztea lortu dira. Kapsularatzeari dagokionez, zurrusta-bibrazio bidezko mikrokapsularatzea (VNM Vibration Nozzle Microencapsulation) erabili da 150 eta 300 µm-ko zurrustekin kaltzio-alginatozko eta kaltzio-alginato-kitosanezko tamaina ezberdinetako mikrokapsulak eratzeko. Prozesu horretan eragina duten aldagaiak optimizatu, kapsulak sortu eta haien egonkortasuna aztertu da 6 hilabetetan zehar hainbat kontserbazio baldintzatan (4°C-tara ilunpean eta giro tenperaturan ilunpean eta argipean). Kapsulatutako polifenolen egonkortasuna baldintza guztietan kapsulatu gabeena baino askoz ere handiagoa dela ikusi da.
© 2001-2024 Fundación Dialnet · Todos los derechos reservados