Instituída historicamente pola interacción entre gobernantes e gobernados, o funcionamento da esfera pública contemporánea atópase distorsionado pola constitución dun complexo político-mediático proclive a reduci-la comunicación pública a un intercambio restrinxido entre elites políticas e periodísticas, dificultando así a participación dos cidadáns nos procesos democráticos, ben como sociedade civil, ben como opinión pública informada. O sometemento do discurso político en campaña electoral a unha retórica publicitaria e a xeneralizada ausencia no periodismo televisivo de prácticas informativas orientadas á análise de mensaxes e propostas de partidos e candidatos impoñen unhas condicións de comunicación que non contribúen ó fortalecemento dunha cidadanía politicamente activa.
© 2001-2024 Fundación Dialnet · Todos los derechos reservados