Resumen de Un esbozu pal estudiu de les interferencies y ultracorrecciones fóniques ente l’asturianu y el castellanu
Nel estudiu llingüísticu de les interferencies ente’l castellanu y l’asturianu, tienen producíose delles confusiones por varies razones: nun pescudar cuál ye en cada casu l’orixe y el destín de cada interferencia y la base contrastiva que la propicia; nun identificar correctamente la naturaleza llingüística de cada interferencia, nin polo tanto les sos consecuencies; y nun estremar ente les interferencies «directes» y les«indirectes» o ultracorrecciones. Nesti artículu espónense les ferramientes amañoses pa entamar col análisis de les interferencies ente castellanu y asturianu, xunto con exemplos qu’ilustren cada casu.
