Tralo cambio político en 2012, o Xapón de Shinzo Abe impulsou unha nova política interna e exterior. Actualmente, Abe concéntrase nas políticas económicas, denominadas “Abenomics”, para recuperar a economía xaponesa tralas dificultades das décadas pasadas. Non obstante, o seu obxectivo principal é alcanzar a “verdadeira independencia” que substitúa o réxime de posguerra vixente desde 1952, previa reforma da actual Constitución. Neste sentido, Xapón camiña cara a remilitarización sen que isto signifique necesariamente remilitarismo, a fin de converterse nun “país normal” e reformular as súas prioridades en materia de relacións internacionais, afirmando o seu compromiso coa paz internacional a través dun “Pacifismo Activo”.
© 2001-2024 Fundación Dialnet · Todos los derechos reservados