Resumen de A caracterización de Galicia como destino da inmigración estranxeira: o caso colombiano, marroquí e romanés
Os colectivos que son obxecto de análise neste traballo remiten á inmigración que recibe Galicia nos últimos anos como fluxos característicos da inmigración a escala nacional, non vinculada necesariamente ás particularidades históricas e xeográficas desta comunidade autónoma, co obxectivo de responder a unha pregunta: Podemos identificar trazos específicos de Galicia como destino migratorio dentro de España? A nosa análise remite, en concreto, á inmigración colombiana, romanesa e marroquí, traballando principalmente con datos da Estatística de Variacións Residenciais, da Enquisa Nacional de Inmigrantes, e cos principais resultados dunha enquisa sobre inmigrantes nacidos en Marrocos, Romanía e Colombia residentes en Galicia (2009), realizada para a investigación sobre "Proxectos e redes migratorias da inmigración estranxeira en Galicia", baixo o financiamento da Consellería de Innovación, Industria e Comercio da Xunta de Galicia.
