O complexo proceso de inserción dos inmigrantes zamoranos na sociedade arxentina pode realizarse apelando a distinto tipo de fontes. Recorremos aquí aos libros de rexistro do Consulado español de Bos Aires, dado que nos brindan datos claves para estudarmos este colectivo, como a comarca de orixe dos inmigrantes, entre os principais. Con eles tratamos de establecer as características socio-ocupacionais, as posibles cadeas migratorias actuantes que os tiveron como protagonistas, así como a súa situación xeográfica no territorio de acollemento. Finalmente, completamos a nosa análise con entrevistas realizadas aos propios actores e aos seus descendentes.
© 2001-2024 Fundación Dialnet · Todos los derechos reservados