Resumen de Garapenaren psikologiaren ikuspegi historikoa: diziplinaren sorrera eta finkapena
Izarne Lizaso Elgarresta, Luixa Reizabal Arruabarrena, Alaitz Aizpurua Sanz, Manuel Sánchez de Miguel
Giza garapenean bizi-zikloan zehar gertatzen diren aldaketa psikologikoen deskribapen, azalpen eta optimizazioaz arduratzen den zientzia da garapenaren psikologia. Garapenaren psikologiaren sorrera eta finkapena laburki aurkeztea da lan honen helburu nagusia eta hiru ataletan banatu da. Lehenengoan, garapenaren psikologiaren sorrera ekarri zuten gertakari nagusiak aztertuko dira. Bigarrenean, berriz, aztergai den diziplinaren sorreran eragina izan zuten autoreen ekarpenak azalduko dira.Azkenik, garapenaren psikologia finkatzen lagundu zuten teorien planteamenduak azalduko dira.
