Resumen de Artearen eta subjektuaren eraikuntza: Nan Goldin-en aukera, intimitate-kontakizunak askatze-errepresentazio gisa
Artikulu honetan artearen bidez subjektu garaikidea eraikitzeko aukeren baldintza posibleak aztertzen dira. Lan artistikoa, askatze-errepresentazio bat izan ahal den neurrian, proposatzen da subjektu artista eraikitzeko tresna gisa, eta eraikitze modu hori bereizten da lotze-errepresentazioek eta instituzioek soilik eraikitako subjektu garaikidearengandik. Auzi hori azaltzeko Nan Goldinen (Washington, 1953) egiteko modua aztertuko da. Artista horrek familia-argazkietatik abiatuz intimitatearen narrazioa egiten du, azken 40 urteetako irudi-eguneroko baten bidez bizitza kontatuaz. Goldinen ibilbideaz gogoeta egitean, haren bizitzako bi une memoria eta argazkilaritza ulertzeko bi modurekin jarri ditugu harremanetan; gainera, bere familia-albumean intimitateari eta memoriaren izaerari ematen dien tratamendua aztertzen da.
