Resumen de Umha quantificaçom da dependência agroalimentar exterior da Galiza a partir das tabelas input-output 1998 e 2005
Bernardo Valdés Paços, Mar Pérez Fra, Ana Isabel García Arias
O objectivo deste trabalho é realizar unha primeira achega á quantificaçom da dependencia agroalimentar galega do exterior utilizando como fonte os dados das tabelas input-output de 1998 e 2005. As tabelas input-output som um instrumento privilegiado para analisar a dependência alimentar do exterior dumha economia subestatal como a galega porque informam do conjunto do comércio exterior non só de fóra do Estado Espanhol senom que tamém oferecem dados dos intercambios com outras áreas do Estado. É um facto conhecido o peso que tem a actividade agraria na economía galega, especialmente em termos de emprego. A pesar desta relevancia quantitativa, o nosso país apresenta umha balança exterior agroalimentária fortemente deficitária. Em 2005 Galiza apresentava um acusado défice e a taxa de cobertura (exportaçons/importaçons) situava-se arredor de dous terços. Este défice deve-se basicamente aos produtos vegetais, tanto elaborados como sem elaborar. A pesar da especializaçom gandeira tambén apresentam um saldo negativo produtos transformados de preparados cárnicos e inclusive os derivado lácteos pondo de manifesto o escasso desenvolvimento do sector agroindustrial galego. Os resultados ofrecidos permitem pôr em causa as orientaçons da política agroalimentaria que acentuárom a dependência exterior e mesmo ponhem em risco o modelo gandeiro no que se asentou a especializaçom da agricultura galega
