Resumen de Sinonimia e rexistros na construción do WordNet do galego

Xosé María Gómez Clemente, Xavier Gómez Guinovart, Andrea González Pereira, Verónica Taboada Lorenzo

• Neste artigo presentamos o tratamento lexicográfico do rexistro no proxecto Galnet do Grupo TALG (Tecnoloxías e Aplicacións da Lingua Galega) da Universidade de Vigo, dirixido á construción da versión galega do WordNet 3.0. Trátase dun proxecto que se atopa na súa fase inicial de desenvolvemento, mais do que xa se obtiveron uns primeiros resultados que están dispoñibles para a consulta. Ao longo deste artigo describiremos os trazos xerais do proxecto, a aproximación seguida para o tratamento do rexistro e algúns dos resultados e conclusións obtidas nesta primeira etapa do traballo lexicográfico.