Resumen de Limpando praias para mudar conciencias
Comprar un pouco de froita, unha bola de pan, utilizar xabón de mans, tomarse un refresco... son actividades cotiás que a priori non asociamos a un grande impacto ambiental. Pero alén da pegada que poden supoñer (emisións de CO2, consumo de auga, etc.), todas elas supoñen un consumo de envases plásticos que podemos evitar ou minimizar. Estes envases requiren un gasto enerxético moi grande para a súa fabricación e transporte, para despois ter unha vida útil de moi corta duración. En lugar de remataren nunha planta de reciclaxe, moitas veces os nosos residuos plásticos teñen outro destino: o mar.
