Resumen de Reganosa, máis preto da fin
Tiveron que transcorrer nove anos para que o Tribunal Supremo sentenciase de forma definitiva que a planta de regasificación de REGANOSA se instalou de forma ilegal no interior da Ría de Ferrol. A sentenza -que xa é inapelábel- rexeita os recursos presentados pola empresa e polo Concello de Mugardos. O Tribunal Supremo vén a confirmar a sentenza do Tribunal Superior de Xustiza de Galiza que no ano 2008 anulou unhas modificacións puntuais do Plan Xeral de Ordenación Urbana de Mugardos (PXOM). Estas modificacións, hoxe anuladas, foron as que permitiron no ano 2004 a construción da planta de gas.
