Libiok (AVC 10. 28.8-12) Zesarren lanetik (BG 4. 33.1-34.1) hartu duen pasarte bat aztertzen da artikulu honetan imitazio legez: Zesarrek britaniar gisa aipatzen duen gerra taktika bat, orgetako borroka alegia, Sentinoko gudaldian txertatu du Libiok. Narrazio historikoa ulertzeko bi era erakutsi nahi dira konparaketa honen bitartez, imitazioak literatura erromatarrean duen garrantzia eta eginkizuna nabarmenduz. Ihardunbide dinamiko eta esanguratsu bezala azaltzen da imitazioa, bi testuren arteko erlazio eraldatzaile legez (testuartekotasun prozesua). Bide batez, Antzinateko historiografiak egungoaren aldean dituen ezaugarri berezi batzuk erakusten dira.
© 2001-2024 Fundación Dialnet · Todos los derechos reservados