Gizakiok giza taldeetan bizi gara eta hauen barruan harremanak ditugu. Elkarrekintza horretan geure burua identifikatu eta baloratu egiten dugu eta geure indibidualtasunaren berri izaten dugu. Era berean giza taldeek mundua ordenatu eta sailkatzen dute bere identitate eta kokapen propioa aurkitzeko asmoz; asmo horretan beste giza taldeek eskaintzen dizkieten erreferentziak ezinbestekoak egiten zaizkie bere muga, balore eta elementu afektiboak finkatzeko. Identitate sozial sendoen eratze-prozesuak konplexutu egin dira gizarte modernoan, hala eta guztiz ere elkarrekin egoteko joerek bizirik dirautela erakusten digute era eta mementurik ustegabekoenetan.
© 2001-2024 Fundación Dialnet · Todos los derechos reservados