Desde distintos conceptos do patrimonio cultural que proveñen da evolución teórica da Antropoloxía e da Arqueoloxía, tentamos formular algunhas cuestións sobre as achegas que estas disciplinas científicas teñen na construción do discurso identitario, na conformación da imaxe do "nós" fronte a dos "outros". Tratamos, tamén, posibles diferenzas entre as miradas dos turistas, os viaxeiros e os estudosos, especialmente porque todos eles proxectan un tipo de visión, tanto sobre as culturas alleas como sobre as propias. Neste último aspecto foi fundamental o papel desempeñado polo Seminario de Estudios Galegos, especialmente por formar un grupo de investigación galego que desenvolveu un intenso traballo de campo, entendendo Galicia como un laboratorio.
© 2001-2024 Fundación Dialnet · Todos los derechos reservados