Kanten ezagutzaren karakterizazio errepresentazionaletik abiatuz, egungo zientziaren filosofiaren esparruko ikusmolde semantikoetan eskaintzen den zientzi ezagutzaren eta, are zehatzago, zientzi teoriaren ikuskera errepresentazionala zertan datzan azaltzea da artikulu honen helburu nagusia. Horretarako, zubi gisa, neurriaren arazoaren bilakaera teorikoa aurkezten dugu, neurriaren teoria errepresentazionalera iritsi arte. Teoria honek, neurria errepresentaziotzat jotzen duenez, ikusmolde semantikoekiko paralelismoa ahalbidetzen du. Azken finean, errepresentazio kontzeptu honen bidez, hala neurriaren nola zientzi ezagutzaren zerizana argiago uler daitekeelakoan gaude.
© 2001-2024 Fundación Dialnet · Todos los derechos reservados