Venezuelan 1998tik aurrera indarrean den prozesu politikoaren balantzea eta analisi kritikoa egitea da artikulu honen helburu nagusia. Horretarako, orain arte aldaketa-prozesuak izan dituen hiru epealdiak identifikatu eta epealdi bakoitzaren barruan jazo diren gertakari nagusiak nabarmentzen dira. Prozesu konstituziogileak, estatu-kolpearen saiakerak eta petrolio-sabotajeak laburbiltzen dute lehenengo fasea (1998-2003). Bigarrenean (2003-2007), gizarte-politika berria («misiones») eta «chavismoa»ren hegemonia politikoa nagusitzen dira. Azken epealdian, 2007an ireki zena eta oraindik itxi ez dena, barne-kontraesanak eta aldaketa-prozesuaren gelditasuna nabarmentzen dira.
GAKO-HITZAK: Prozesu konstituziogilea · Gizarte-politika berria («misiones») · Boliburgesia.
© 2001-2024 Fundación Dialnet · Todos los derechos reservados