Resumen de A participación galega no Consello da UE: positiva pero insuficiente
As comunidades autónomas españolas poden participar directamente no Consello da Unión Europea desde 2004 grazas aos Acordos da Conferencia para Asuntos Relacionados coas Comunidades Europeas (CARCE), aínda que a lexislación europea xa o permite desde o Tratado de Maastricht (1992). Este artigo analiza, desde desde o punto de vista da rendabilidade política e social, a participación das CC.AA., e de Galicia en particular, no Consello da Unión durante estes seis anos. A autora considera que os Acordos de 2004 son un triunfo histórico das reivindicacións das autonomías. Sen embargo, logo de máis de cinco anos de práctica e cuns resultados certamente modestos, esixe melloras no actual sistema, máis marxe de decisión para as autonomías e unha ampliación da participación a outras formacións do Consello no que as CC.AA. tamén teñen competencias exclusivas.
