Resumen de Documentación e rexistro da estación rupestre de Cova da Bruxa, Muros (A Coruña)
Jorge Juan Eiroa García, Manuel Antonio Franco Fernández, Josefa Rey Castiñeira
Presentamos os sistemas de documentación, os resultados relacionados coas intervencións de campo realizadas nas campañas 2006 e 2007 nesta estación rupestre e os obxectivos globais nos que se enmarca esta intervención, relacionados coa divulgación escolar e turística da arte rupestre do concello de Muros e de outros xacementos arqueológicos.A fotografía nocturna, os frotados, os calcos e o levantamento topográfico do batolito coa xeoreferenciación dos motivos, que facilitan a representación tridimensional, favorecen o estudio das figuras, das composicións representadas e dos espacios ocupados polos motivos. Todo elo permite unha interpretación estilística con significados evolutivos, simbólicos e espaciais. Tamén se evalúan as metodologías de rexistro empregadas para adquirir unha fonte de interpretación. Por outra banda a limpeza do entorno proporcionou datos interesantes sobre a historia dos gravados no afloramento, relacionados coa distribución dos mesmos e incluso sobre a súa factura.
