Resumen de Ohiz kanpoko begirada
Joxe Manuel Odriozolak artikulu honetan Iñaki Larrañagaren hainbat ideia ekarri ditu, azpimarratu nahirik bere ikerlari gaitasun zorrotza herriaren ideologiarekin uztartzeko. Euskararen egoeraren diagnostiko labur batetik abiatzen da (Nola gaude?) Larrañagaren hitzak azpimarratuz: hiztunen kopuruaz harago, hiztunen arteko harremanak ehuntzen duen egitura soziolinguistikoan datzala hiztun herriaren etorkizuna. Beraz, eta jakinda, egin diren gauza guztiak eginda ere egiturazko dinamika soziolinguistikorik aldatzea lortu ez denez, jakin behar da euskararen naziorik ezin dela eraiki nazio politiko burujabearen kontzientziarik eta praxirik gabe, baina, halaber, euskal nazio politikoaren eraikuntza ere ezinezkoa dela. Odriozolaren iritziz etorkizuneko euskal herririk eraikitzen baldin badugu inoiz, iraganeko euskalduntasunaren humusean eraikia izango da, edo ez da herri euskaldunik izango.
