Resumen de Caso Rinlo: a dignidade recuperada
"A dignidade recuperada: un treito de litoral que se conserva, unha Rede Natura que empeza a ser". Con estes enunciados, así de breves, resume Daniel Vispo o resultado desta longa loita reivindicativa en defensa, non só dun espazo da nosa Rede Natura do litoral (LIC de As Catedrais), senón da dignidade de todos os nosos espazos protexidos, do noso litoral e, en suma, das xentes de Rinlo, de Ribadeo e da Mariña en xeral. A Vispo, secretario xeral de ADEGA no momento de coñecerse o proxecto de piscifactoría para Rinlo, debémoslle en boa medida o acerto e o impulso continuado a unha loita con froitos que catro anos despois se mostran como definitivos e esperanzadores. Neste artigo destaca algúns aspectos quizais intanxíbeis pero de grande importancia da mesma.
