Resumen de Xénero e emprego nos debates políticos italianos 1995-2007: a construción de suxeitos de xénero "non empregados"

Emanuela Lombardo, Maria Sangiuliano

• español

  En este artículo se analiza el desarrollo del tema de "género y no empleo" en los debates italianos desde 1995 hasta el 2007. Con el término "género y no empleo" nos referimos a cómo las políticas de empleo tratan determinadas categorías de ciudadanos y ciudadanas como legítimamente "no empleados" y cuáles son las implicaciones de género de estos supuestos.

• galego

  Neste artigo analízase o desenvolvemento do tema de «xénero e non emprego» nos debates políticos italianos desde 1995 ata o 2007. Co termo «xénero e non emprego» referímonos a como as políticas de emprego tratan determinadas categorías de cidadáns e cidadás como lexitimamente «non empregados» e cales son as implicacións de xénero destes supostos. As preguntas das que partimos son as seguintes: cales foron os temas máis candentes no debate político italiano na área de «xénero e non emprego»? Cales foron os principais axentes domésticos e internacionais que tiveron unha influencia nestes debates? Que categorías de suxeitos se constrúen nas políticas sobre xénero e «non emprego»? O relatorio está baseado na investigación desenvolvida polo proxecto Europeo QUING (Quality in Gender Equality Policies www.quing.eu). Ao reconstruír a historia dos debates políticos italianos acerca do tema de «xénero e non emprego» pretendemos reflexionar sobre en que medida estes debates teñen un enfoque de xénero e abordan a intersección do xénero con outras desigualdades como a clase, a idade e a etnia.