Resumen de Desafíos educativos da conservación da biodiversidade
O proceso de empobrecemento da biodiversidade da Terra é, xuntamente co Cámbio Climático, a maior ameaza que enfreta a humanidade na actualidade, e vai condicionar gravemente as suas expectativas de benestar futuro. Neste artigo sinálase por qué a biodiversidade é importante, por qué se degrada, as potenciais consecuencias desa degradación, así como as dificultades que plantexa tanto sensibilizar á opinión pública sobre a gravidade do problema como comprometela a poñer freo a este proceso e cambiar a tendencia. Apóntanse algunhas posibilidades e liñas de traballo para que a educación ambiental, en canto instrumento social, poida contribuir neste ámbito. Xurdida para facer fronte á crise ambiental, a educación ambiental atopouse desde os seus inicios con desafíos que sobardan as súas posibilidades reais como ferramenta para o cámbio. Porén, conta con instrumentos, recursos e experiencia para facer aportacións relevantes no camiño de tentar cambir as tendencias ecocidas.
