Nas seguintes páxinas pretendemos analizar como as tensións e polarizacións connotativas do rural e do urbano se ven intensificadas pola condición periférica e subalterna da literatura galega. Tan significativa como o propio proceso de incorporación do urbano nos textos literarios resulta a este respecto a análise do discurso crítico que discorre en paralelo e que, desde o Rexurdimento, intenta darlle pulo á conquista do espazo urbano. A subsistencia actual deste proceso e do debate arredor do ruralismo demostran a centralidade do espazo e a súa construcción discursiva, de xeito moi particular en ámbitos nos que a identidade é contendida e problemática.
© 2001-2024 Fundación Dialnet · Todos los derechos reservados