Esta Tese Doutoral centrouse no desenvolvemento de métodos de extracción de nanopartículas, en concreto de dióxido de titanio e prata, presentes en moluscos bivalvos (centinelas da saúde ambiental) e produtos derivados (onde as nanopartículas son engadidas como aditivos alimentarios). Ademais, estudouse como o consumo destes alimentos que conteñen nanopartículas poden afectar aos humanos, comprobando se son persistentes durante o proceso de dixestión e se ditas nanopartículas son liberadas da matriz alimentaria e cruzan a parede intestinal, podendo alcanzar o sistema circulatorio e outros órganos. A maiores, realizáronse estudos sobre as proteínas coroa que rodean as nanopartículas na hemolinfa de ditos moluscos.
© 2001-2024 Fundación Dialnet · Todos los derechos reservados