Resumen de Gizarte digitalerako hezkuntza: adimen artifizialaren eta big dataren erabilerarantz
Eugenio Astigarraga Echeverria, Ane Zubizarreta Pagaldai, Nagore Ipiña Larrañaga, Edurne Galíndez Nafarrate, Itziar García Blázquez, Sirats Santa Cruz Elorza, Maialen Torres Lete, Aitor Zuberogoitia Espilla, Haritz Iribas Pardo, Andres Gostin Elorza, Aitor Moreno-Larrazabal, Koldo Díaz Bizkarguenaga
Gizartean izan den iraultza teknologikorik eraldakorrenaren testigu gara; une oro aldatzen eta berreraikitzen den gizarte baten iraultza ezplanifikatuaren testigu. Espazioa globalizatuz eta deslokalizatuz doa; halatan, mikroistorio, mikrokultura eta mikrosegundoen aroa sortu da, mikrolanetarako eta gig-ekonomiarako sarbidea emango diguna. Eredu berri horretan, mezu hipermediatiko eta hipertestualak eraikitzeko kultura nagusitu da, zeinak sortzez jada digitalak baitira. Baina ez hori bakarrik: gure pentsamenduan ere (er)aldaketa gertatu da, eta pentsamendu bisual eta pentsamendu konputazional baten aurrean kokatzen da gizartea.
