Resumen de Eki Proiektutik eki digitalera: ikaskuntza esperientzia berritzailea
Josune Gereka, Oihan Odriozola Aranburu, Arantza Arregi, Petro Vera Aguado
«eki proiektutik eki digitalera: ikaskuntza esperientzia berritzailea» izenburuarekin aurkezten dugun komunikazioan ondokoa azaldu nahi dugu: DBHko 1. mailatik DBH 4. mailara, EHIko ikastolak, «eki proiektuaren» markoan, digitalizazioaren bidean inplementatzen ari diren eredua, aldaketa pedagogiko eta metodologiko izugarria dakarrena, konpetentzietan oinarrituta dagoena eta konpetentzia digitala arlo guztietan integratzen duena. Eredu horretan, bi aldaera gauzatzen ari gara digitalizazio maila desberdinarekin. Bi aldaerek irteera profil berari erantzuten diote eta ikuspegi pedagogikotik oinarri berdinak dituzte (integrazio pedagogia eta metodologia sozio-eraikitzailea) eta beraz, konpetentzia digitalaren lanketa sakona. Baina, badituzte desberdintasunak: A) Papera + baliabide teknologikoak konbinatzen dituen inplementazioa (eki orokorra). B) Ikasgelan baliabide teknologikoak (IKASGUNE Moodle plataforma eta ikasmaterial digitalak) bakarrik erabiltzen dituen inplementazioa (eki digitala). Hasiera batean, Eki proiektuak dituen berezitasunak eta ezaugarri didaktiko-pedagogikoak azaldu ditugu eta bereziki zentratu gara eki digitalaren inplementazioan. Eki digitaleko esperientzia pilotuan definitutako helburuak eta bertatik lortutako «onura pedagogikoen balorazioa» eta «azpiegitura-eredu jasangarria » azaldu ditugu. Azkenik, proiektu pilotutik hedapenerako bidea nola egin den deskribatuz eta eki digitalaren gaur egungo egoera eta aurrera begirako irizpideak zeintzuk diren azalduz amaitu dugu.
