Resumen de Teknologia berriak irakaskuntzan.
Teknologia Berrien garapenaren ondorioz XX. mende bukaeran sortu diren eraldaketek helduen eta gure gizarte osoaren kultur eta lan alorreko norabidea ezarriko dute milurte honen hasieratik aurrera. Irakaskuntzako birmoldaketa baten aurrean gaude berriro ere, eta honek eragin nabarmena izango du irakasleengan. Aldaketa sakonak gertatu dira dagoeneko, eta ez dute irakaskuntzaren bitarteko, material eta baliabideetan soil-soilik eragin, baita eskola beraren kontzeptualizazioan eta irakaskuntza-ikaskuntza prozesuetan ere; irakaskuntzaren eginkizunean zuzen-zuzenean, beraz.
