Resumen de Antídotos contra a violencia de xénero: Proxecto de intervención en materia de coeducación e igualdade
Felisa Redondo Valín, Miguel Angel Martínez Quintanar
A igualdade de xénero pode abordarse desde tres ángulos: valor ético da convivencia, hábito de comportamento, rutina de prevención da violencia de xénero. Como valor, hábito e rutina debe inserirse no ámbito da aprendizaxe na educación regrada (ESO, bacharelato) a través de proxectos educativos interdisciplinares e internivelares. O proxecto Antídotos contra a violencia de xénero mostra a súa implantación escolar en tres fases inspiradas no construtivismo: denuncia, análise e información, reflexión e creación. O resultado final é teórico (deconstrución de roles de xénero e estereotipos sexistas) e práctico (modificación de condutas sexistas, creación de novos modelos de comprensión e autocomprensión das persoas e as súas relacións interxenéricas).
