Resumen de Cuba: un novo modelo de socialismo?
A actualidade cubana está marcada polos acordos do VI Congreso do Partido Comunista de Cuba (PCC) de abril de 2011, impulsados polo presidente Raúl Castro e tendentes a “Actualizar o Modelo Económico”. Este proceso de “reforma” e “actualización” establece unha nova perspectiva para o modelo socialista imperante en Cuba. Este artigo tenta compendiar os diversos “modelos” establecidos en máis de 50 anos de existencia da Cuba Revolucionaria e Socialista, divididos principalmente en catro períodos: a exploración dun camiño socialista propio (a partir de 1959); a adecuación á realidade cubana das experiencias do “Socialismo Real” (a partir de 1976); as medidas aplicadas no denominado “Período Especial en tempo de Paz” (1990-2006); e, finalmente, o significado e alcance dos acordos do VI Congreso de PCC para “Actualizar o Modelo Socialista”
