Resumen de Zubereraren azentuaz
Lan honetan zubereraren eremuan bederatzi herritan jasotako azentuari buruzko datuen laburpena eta analisirako proposamena aurkezten dira. Lana lau zatitan banatuta aurkezten da. Lehen zatian, jasotako izen eta adjetiboen azterketa akustikoaren emaitzen laburpena aurkezten da; ikuspuntu honetatik, azentuaren pertzepzioan izari nagusia zein den deliberatzea du helburu zati honek. Bigarren zatian, izen eta adjetiboen azentua txertatzeko proposatzen diren erregelak aztertzen dira. Hirugarrenean, deklinabidearen azentuari ekiten zaio; batetik, herri bakoitzeko erregelak ikertzekotan, eta bestetik, herrien arteko azaleko desberdintasunak azaltzekotan. Azkenik, laugarren zatian, aditz jokatuen azentu-eredu nagusiak ematen ditugu.
