Creada en 2001 por Rusia, China, Kazajstán, Uzbekistán, Kirguizistán e Taxikistán, a Organización de Cooperación de Xangai (OCX) eríxese como un dos mais importantes organismos de cooperación e seguridade do século XXI, defendendo unha visión multipolar do sistema internacional orientado a desafiar a hexemonía unilateral de EE.UU. Tendo en conta a preponderancia rusa e chinesa neste organismo, estímase que a OCX e Washington rivalizarán na concepción dun Novo Gran Xogo xeopolítico en Asia Central, que implicará aspectos relativos á seguridade, a cooperación económica e política e os intereses enerxéticos. Este artigo expón os retos de Rusia e China en Asia Central arredor da OCX, así como a consistencia e estabilidade deste organismo de cara á configuración dunha nova orde multipolar.
© 2001-2024 Fundación Dialnet · Todos los derechos reservados